Prishtinë, 20 maj 2016

Ministria e Infrastrukturës po vazhdon me realizimin e projekteve të ndërtimit të rrugëve të reja duke bashkëpunuar me komunat. 

Për t’u njohur përsëafërmi me gjendjen e rrugëve në komunën e Skenderajit Ministri i Infrastrukturës, Lutfi Zharku me bashkëpunëtorë vizitoi disa projekte rrugore të cilat janë duke u ndërtuar në këtë komunë.

Gjatë kësaj vizite ministri Zharku, e pa zhvillimin e punimeve në rrugën magjistrale Komoran-Drenas-Skenderaj. Me këtë rast ministri Zharku pa nga afër punimet në disa segmente të kësaj rruge: në fshatin Polluzhë, në fshatin Morinë, në fshatin Polac dhe në hyrje të qytetit të Skenderajit.

Ministri Zharku dhe nënkryetari i komunës së Skenderajit, Fadil Nura u dakorduan që të vazhdojë bashkëpunimi në mes të Ministrisë së Infrastrukturës dhe komunës së Skenderajit për bashkëfinancimin e projekteve infrastrukturore në këtë komunë. 

Me këtë rast, sot ministri Zharku dhe nënkryetari Nura nënshkruan në memorandum mirëkuptimi, sipas të cilit memorandum Ministria e Infrastrukturës do të  bashkëfinancojë disa projekte të komunës së Skenderajit. 

Me këtë marrëveshje parashihet që të asfaltohen këto projekte rrugore: Abri-Likovc, në vlerë prej 250 mijë euro. 

Ndërtim i rrugës Morinë-Krushec, në vlerë prj 300 mijë euro.

Asfaltimi i rrugës që e lidhë fshatin Klinën e ulët me fshatin Prekaz, në vlerë 600 mijë euro.

Ndërtimi i rrugës Prekaz-Gofile-Skenderaj, në vlerë prej 100 mijë euro.

Ministria e Infrastrukturës, me këtë memorandm të mirëkuptimit i ka ofruar bashkëfinancimin e ndërtimit të infrafstrukturës rrugore në fshatrat e Skenderajit, në vlerë 1 milionë e 250 mijë euro.