MI-ja investon edhe mbi 1.4 milionë euro në Gjilan

 Prishtinë, 30 tetor 2018


Zëvendësministri i Infrastrukturës, Rexhep Kadriu bashkë me Shefin e Kabinetit të ministrit Pal Lekaj, Argjend Zejnaj, të martën realizoi vizitë në komunën e Gjilanit, me ç‘rast u pritën nga kryetari i kësaj komune, Lutfi Haziri, me të cilin nënshkruan “Marrëveshje Bashkëpunimi për Financimin e rrugës nga Verbica e Zhegovcit deri në Sllovi të Lipjanit”.


Me anë të kësaj marrëveshje komuna e Gjilanit përfiton nga MI-ja projektin mbi 1.4 milionë euro për ndërtimin e rrugës Verbicë e Zhegovcit - Sllovi e Lipjanit.


Zëvendësministri i Infrastrukturës, Rexhep Kadriu, tha se ky është edhe një tjetër investim në Gjilan nga Qeveria Haradinaj, duke premtuar se do të ketë edhe të tjera projekte për vitin e ardhshëm.


Kurse i pari i Gjilanit, Lutfi Haziri, duke e falënderuar zëvendësministrin Kadriu dhe Ministrinë e Infrastrukturës deklaroi se Anamoravës po i jepet vëmendja e merituar. 

Foto Galeria

Video Galeria