Pas adresimit të disa problemeve që kishin ndikuar në ecurinë e punimeve, projekti për ndërtimin e rrugës rajonale R221, në segmentin Rakosh–Cërkolez, po avancon me ritëm të shpejtë drejt përfundimit.

Aktualisht po vazhdojnë punimet në terren, ndërsa MIT është në koordinim me KEDS-in për zhvendosjen e disa shtyllave elektrike, të cilat pamundësojnë realizimin e plotë të trotuarit në disa pjesë të segmentit.

Ministria po përcjell nga afër ecurinë e projektit dhe, në bashkëpunim me të gjithë akterët përgjegjës, po adreson pengesat në mënyrë që punimet të përfundojnë sa më shpejt dhe rruga të jetë plotësisht e gatshme për qytetarët.

Kliko VIDEO