Ministri i Infrastruktures dhe Transportit , z. Dimal Basha zhvilloi nje takim me Koordinatorin e Koridorit Ballkani Perendimor - Mesdheu Lindor nga Komisioni Evropian, z. Marian-Jean Marinescu, si dhe me zyrtarin z. Arunas Jurivicius. 

Gjate takimit u diskutuan projektet strategjike infrastrukturore ne fushen e transportit hekurudhor, rrugor dhe ajror, te cilat jane kyce per nderlidhjen e Kosoves me Rrjetin Trans-Evropian te Transportit (TEN-T) dhe me korridoret kryesore evropiane qe lidhin Ballkanin Perendimor me detin Adriatik dhe Mesdheun.

Keto projekte jane ne perputhje te plote me prioritetet tona per modernizimin e infrastruktures se transportit, forcimin e integrimit evropian dhe rritjen e zhvillimit ekonomik te vendit. Investimet ne keto korridore do te sjellin perfitime te drejtperdrejta per qytetaret dhe bizneset, duke mundesuar udhetim me te shpejte, me te sigurt dhe me kosto me te ulet, si dhe transport me efikas te mallrave dhe sherbimeve.

Projektet trans - kufitare do te permiresojne ndjeshem lidhjet rajonale, do te lehtesojne qarkullimin e njerezve dhe mallrave, do te rrisin konkurrueshmerine e bizneseve tona ne tregjet rajonale dhe evropiane, si dhe do te krijojne mundesi te reja per investime, tregti dhe zhvillim ekonomik. Ne te njejten kohe, infrastruktura moderne e transportit kontribuon drejtperdrejt ne rritjen e cilesise se jetes se qytetareve, duke ofruar sherbime me cilesore, me te besueshme dhe me te qasshme per te gjithe.