Ministria e Infrastrukturës dhe Transportit njofton se nga sot ka hyrë në fuqi Udhëzimi Administrativ që mundëson zgjidhjen e çështjes së Certifikatës së Kompetencës Profesionale (CKP) për shoferët dhe operatorët e transportit ndërkombëtar të mallrave.

Me hyrjen në fuqi të këtij udhëzimi administrativ, zhbllokohet procesi i certifikimit të shoferëve fillestarë, duke krijuar bazën e nevojshme ligjore për pajisjen e tyre me certifikatat përkatëse.

Ministria e Infrastrukturës dhe Transportit do të angazhohet maksimalisht që të gjithë aplikuesit të trajtohen në kohë dhe të pajisen sa më shpejt me Certifikatën e Kompetencës Profesionale.

MIT falënderon të gjithë shoferët dhe operatorët e transportit për durimin dhe bashkëpunimin e treguar gjatë kësaj periudhe.