Prishtinë,

29 gusht 2018

Ministri i Infrastrukturës, Pal Lekaj, të mërkurën ka nënshkruar kontratën për “Hartimin e projektit zbatues për ndërtimin e autostradës Istog – Pejë – Deçan – Gjakovë – Prizren”.

Rruga që do të lidhë këto qytete do të ketë gjatësinë 91 kilometra.Vlera e kontratës së projektimit është 1,039,532.80 €, ndërsa punëkryes janë konzorciumi Infra Plus & Infra Tek, Prishtinë.

Ky është edhe një hap më tepër i Qeverisë Haradinaj, konkretisht Ministrisë së Infrastrukturës, me në krye ministrin Lekaj, drejt lehtësimit të qarkullimit të qytetarëve të Kosovës, duke afruar qytetet mes vete me rrugë të standardeve evropiane.