KSTRr nxjerr dy vendime për rritjen e sigurisë në trafikun rrugor

Prishtinë, 17 janar 2019


Këshilli i Sigurisë së Trafikut Rrugor, të enjten ka votuar dy vendime që rrjedhin nga rekomandimet e Task-Forcës për Siguri në Trafikun Rrugor. Këto vendime u propozuan nga Ministri i Infrastrukturës dhe Transportit, Pal Lekaj, që është edhe kryesues i KSTRr.


I pari kërkon evidentim në bazën qendrore të të dhënave të Policisë së Kosovës për të gjitha mjetet rrugore të përfshira në aksidente trafiku, të cilat do të publikohen më pas edhe online, ndërsa vendimi i dytë përfshin inspektim të infrastrukturës rrugore sipas standardeve evropiane të sigurisë. 


Këshilli u njoftua edhe me të tjera rekomandime që janë rezultat i punës 6 mujore të Task-Forcës, dhe kanë dhënë edhe propozimet e tyre përkitazi me dikasterin që përfaqësojnë, me qëllim të përmirësimit të gjendjes së sigurisë në komunikacion në mbarë vendin.  

 

Foto Galeria

Video Galeria